Արցախից բռնի տեղահանված շուրջ 100 հազար անձի վճարվել է 100 հազար դրամ աջակցությունը

Արցախից բռնի տեղահանված անձանց սոցիալական աջակցության հերթական վճարման արդյունքում՝ 100 հազար դրամ միանվագ աջակցությունը վճարման է ուղարկել ընդհանուր առմամբ շուրջ 100 հազար անձի համար։ Այս մասին հայտնում է ՀՀ աշխատանքի և սոցիալական հարցերի նախարարությունը:

«Հարգելի՛ հայրենակիցներ, տեղեկացնում ենք, որ Լեռնային Ղարաբաղից բռնի տեղահանված անձանց սոցիալական աջակցության հերթական վճարման արդյունքում՝ 100 հազար դրամ միանվագ աջակցությունը վճարման է ուղարկել ընդհանուր առմամբ շուրջ 100 հազար անձի համար։

Վճարման գործընթացը շարունակվում է։

Հիշեցնենք, որ աջակցությունից օգտվելու համար պարտադիր է, որ անձը հաշվառված լինի ՆԳՆ Միգրացիայի և քաղաքացիության ծառայության տվյալների բազայում։

Անչափահաս երեխաներին հասանելիք աջակցության գումարը տրամադրվում է առցանց ներկայացվող դիմումի հիման վրա (հղումը՝ https://dimum.ssa.am/ )»,– նշվում է հաղորդագրության մեջ: