Կիևը կորցնում է լրատվամիջոցների ուշադրությունը և դաշնակիցների աջակցությունը․ New York Times

Ուկրաինան պաղեստինա-իսրայելական հակամարտության ֆոնին «երկրորդ պլան է մղվել», Կիևը կորցնում է լրատվամիջոցների ուշադրությունը և դաշնակիցների աջակցությունը, գրում է ամերիկյան New York Times թերթը: Փոխանցում է ՌԻԱ Նովոստին։ 

«Առաջին հերթին Գազայի իրադարձությունները շեղում են արևմտյան քաղաքական գործիչների և հասարակության ուշադրությունը Ուկրաինայի պատերազմից։ Մտավախությունները, որ արևմտյան հասարակությունները սկսել են «հոգնածություն զգալ Ուկրաինայից», միանգամայն իրական են և մինչև հոկտեմբերի 7-ը կշարունակեն աճել»,- գրում է պարբերականը։

Բացի այդ, New York Times-ը մատնանշում է այն հանգամանքը, որ Ուկրաինան ոչ միայն «լրատվամիջոցների ուշադրության պակաս ունի, այլև զինամթերքի»: Պարբերականը նշում է, որ չնայած ԱՄՆ նախագահ Ջո Բայդենի խոստումներին՝ աջակցել ինչպես Կիևին, այնպես էլ Թել Ավիվին, Իսրայելին, ի վերջո, կարող է անհրաժեշտ լինել սպառազինություն, որն այժմ ավարտվում է Ուկրաինայի մոտ:

«Ուկրաինայում պատերազմը երկրորդ պլան է մղվել, Մերձավոր Արևելքում ԱՄՆ-ի ղեկավարությամբ դիվանագիտությունը շփոթված է, իսկ Արևմուտքն ու մյուսները նայում են միմյանց՝ կանգնած փոխադարձ թյուրիմացության անդունդի վրա»,- նշվում է հոդվածում: