Քաղաքականություն

Կանադան 2 դիտորդ կուղարկի Հայաստան. փոխնախարար

Կանադան 2 դիտորդ կուղարկի Հայաստան. փոխնախարար
Կանադան շատ կարճ ժամանակահատվածում երկու դիտորդների կուղարկի Հայաստան, որոնք կմիանան Հայաստանում Եվրամիության քաղաքացիական դիտորդական առաքելությանը։ «Արմենպրեսի» փոխանցմամբ` Ջերմուկում լրագրողների…

Կանադան շատ կարճ ժամանակահատվածում երկու դիտորդների կուղարկի Հայաստան, որոնք կմիանան Հայաստանում Եվրամիության քաղաքացիական դիտորդական առաքելությանը։ «Արմենպրեսի» փոխանցմամբ` Ջերմուկում լրագրողների հետ զրույցում այդ մասին ասել է ՀՀ արտաքին գործերի նախարարի տեղակալ Պարույր Հովհաննիսյանը՝ ամփոփելով Կանադայի արտաքին գործերի նախարար Մելանի Ժոլիի այցը Հայաստան։

 

«Կանադայի արտաքին գործերի նախարարն ասաց, որ Կանադան ոչ ԵՄ անդամ առաջին երկիրն է, որը ցանկություն է հայտնել դիտորդներ ուղարկել Հայաստան, և 2 դիտորդ կարճ ժամանակահատվածում ժամանելու են։ Հույս ունենք, որ Կանադան հետագայում նաև կընդլայնի իր այս ներդրումը»,– նշեց Հովհաննիսյանը։

 

Ըստ փոխնախարարի` ՀՀ–ում Կանադայի դեսպանատան բացումը Հայաստանի նկատմամբ հատուկ ուշադրության նշան է։

 

«Այցի ընթացքում նախարարն անդրադարձել է հումանիտար աջակցության հարցերին. Կանադան եռապատկել է իր աջակցությունը, նախանշվել են համագործակցության խորացման բոլոր ճանապարհները»,– հավելեց Հովհաննիսյանը։

 

Նրա խոսքով՝ Կանադան ծանրակշիռ երկիր է, որի ձայնը միջազգային կազմակերպություններում բավականին ազդեցիկ է։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8207) Միջազգային (3559) ԱՄՆ (2393) Ռուսաստան (2305) Իրան (1802) Ընտրություններ (1285) Ուկրաինա (936) Երևան (824) Իսրայել (770) Ադրբեջան (685) Փաշինյան (613) Եվրոպա (535) Ազգային ժողով (520) Ընդդիմություն (500) Թրամփ (461)

Radio Aurora

Լսել Radio Aurora

Գովազդային տարածք

300x250