Իսրայելի գործողությունները դադարել են ինքնապաշտպանություն լինելուց․ Էրդողան
Թուրքիայի նախագահ Ռեջեփ Թայիփ Էրդողանը Գազայի հատվածի վրա Իսրայելի հարձակումները բացահայտ կոտորած և բարբարոսություն է անվանել: Փոխանցում է ՏԱՍՍ-ը։
Նրա խոսքով՝ Իսրայելի գործողություններն արդեն վաղուց դադարել են ինքնապաշտպանություն լինելուց, փոխարենը նրանք դարձան բացահայտ դաժանության, վայրագության, բացահայտ կոտորածի և բարբարոսության դրսևորում։
«Նրանք, ովքեր խոսում են Մարդու իրավունքների և ազատությունների մասին, արդեն 19 օր անտեսում են Գազայի ճնշված բնակչության կյանքի իրավունքը»,- հայտարարել Է Էրդողանը:
Ավելի վաղ Էրդողանը չեղյալ էր հայտարարել թուրք պաշտոնյաների բոլոր այցերն Իսրայել: Նա նաև կոչ է արել արտատարածաշրջանային խաղացողներին չսրել իրավիճակը Մերձավոր Արևելքի տարածաշրջանում ՝ Իսրայելին օգնելու միջոցով։
