Ինչ է պարունակում Ուկրաինային Ավստրալիայի հատկացրած ռազմական օգնության նոր փաթեթը

Ավստրալիայի կառավարությունը Ուկրաինային 12 մլն դոլարի ռազմական օգնության նոր փաթեթ է հատկացնում։ Այս մասին այսօր X-ի իր միկրոբլոգում հայտնել է Ավստրալիայի վարչապետ Էնթոնի Ալբանիզը։ Տեղեկությունը փոխանցում է mnews.world-ը:

«Այսօր մենք հայտարարել ենք, որ Ավստրալիան Ուկրաինային կտրամադրի լրացուցիչ 20 միլիոն ավստրալական դոլար (12 միլիոն ԱՄՆ դոլար) պաշտպանական օգնություն՝ տեղական արտադրության նորարարական արդյունաբերական սարքավորումների տեսքով»,- հայտարարել է նա:

The Canberra Times պարբերականը գրում է, որ օգնության նոր փաթեթում կներառվեն ականազերծման սարքավորումներ, դյուրակիր ռենտգենյան ապարատներ, մետաղի համար 3D տպիչ և անօդաչու թռչող սարքերի դեմ պայքարի համակարգեր, որոնք մշակվել են ավստրալական DroneShield, Micro-X, Minelab և SPEE3D ընկերությունների կողմից: Կառավարությունը նաև Ավստրալիայի Թագավորական ռազմաօդային ուժերի e-7A Wedgetail ինքնաթիռ կուղարկի Գերմանիա՝ Ուկրաինային միջազգային մարդասիրական և ռազմական օգնության ջանքերին աջակցելու համար: