Պեսկովը` Պուտինի նմանակների մասին

Ռուսաստանի նախագահ Վլադիմիր Պուտինը նմանակներ չունի։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։

«Ոչ. չկա ոչ մի նմանակ: Սա անհեթեթ տեղեկատվական արտահոսքի կատեգորիայից է, որը նախանձելի համառությամբ քննարկում են մի շարք լրատվամիջոցներ»,- պատասխանել է Պեսկովը։

Կրեմլի ներկայացուցիչը հավելել է, որ նման կեղծիքները բացի ժպիտից ոչինչ չեն առաջացնում:

Հիշեցնենք, որ լրատվամիջոցները հրապարակել էին ճապոնացի հետազոտողների ուսումնասիրության արդյունքները, ըստ որոնց՝ Պուտինը տարբեր առիթների «նմանակներ» է օգտագործում: Նրանց հետազոտությունը հիմնված է արհեստական բանականության՝ ուժեղացված դեմքի ճանաչման, ձայնի համեմատության և մարմնի շարժումների ուսումնասիրության վրա: