Էրդողանը Գազայում խաղաղ բնակչության զանգվածային մահերը համեմատել է ցեղասպանության հետ
Թուրքիայի նախագահ Էրդողանը Գազայում խաղաղ բնակչության զանգվածային մահերը Ցեղասպանություն է համարել․
«Ցավոք, միջազգային հանրությունն ի վիճակի չէ արձագանքել Իսրայելի վարչակազմի՝ խաղաղ բնակչության վրա անօրինական և անզուսպ հարձակումներին»,- ասվում է նրա՝ ՄԱԿ-ի հիմնադրման 78-ամյակի կապակցությամբ հղված նամակում, փոխանցում է ТАСС-ը։
«Մենք բախվում ենք շատ լուրջ խնդիրների՝ զինված հակամարտություններից մինչև կլիմայի փոփոխություն, սովից և աղքատությունից մինչև իսլամաֆոբիա։ Հոկտեմբերի 7-ից ի վեր ցեղասպանությանը հասնող զանգվածային ավերածություններ են տեղի ունեցել Գազայում»,- ասվում է հաղորդագրության մեջ։
Էրդողանի խոսքով՝ Մերձավոր Արևելքում տեղի ունեցող վերջին իրադարձություններով պայմանավորված՝ ՄԱԿ-ի Անվտանգության խորհուրդը պետք է ազատվի սահմանափակ թվով երկրների գերիշխանությունից և դառնա ավելի ներկայացուցչական, ժողովրդավարական և արդյունավետ։
