Դա կլինի եւս մեկ աղետ. Գուտերեշը` Գազայի հատվածում ՄԱԿ-ի վառելիքի պաշարների սպառվելու մասին
Գազայի հատվածում ՄԱԿ-ի վառելիքն առաջիկա օրերին կսպառվի: Այդ մասին ՄԱԿ-ի Անվտանգության խորհրդի նիստում հայտարարել է կազմակերպության գլխավոր քարտուղար Անտոնիու Գուտերեշը: Տեղեկությունը փոխանցում է ՌԻԱ Նովոստին:
«Գազայի հատվածում վառելիքի մեր պաշարները կսպառվեն հաշված օրերի ընթացքում։ Դա կլինի եւս մեկ աղետ. առանց վառելիքի հնարավոր չէ օգնություն հասցնել, հիվանդանոցներում էլեկտրականություն չի լինի, իսկ խմելու ջուրը հնարավոր չի լինի մաքրել կամ նույնիսկ մղել»,- ասել է Գուտերեշը։
