ԱՄՆ-ի բանակը պատրաստ է գործել, եթե հակամարտության մեջ նոր մասնակիցներ հայտնվեն. Լլոյդ Օսթին
ԱՄՆ պաշտպանության նախարար Լլոյդ Օսթինը հայտարարել է, որ ԱՄՆ զինված ուժերը պատրաստ են «գործել», եթե մեկ այլ երկիր միջամտի Իսրայելի և ՀԱՄԱՍ-ի միջև հակամարտությանը՝ ակնարկելով Իրանին։
«Եթե որևէ երկիր կամ խումբ ձգտում է ընդլայնել այս հակամարտությունը, ապա իմ խորհուրդն է, որ նրանք չփորձեն դա անել», - ասել է նա ABC News-ի եթերում:
Օսթինը նշել է, որ Միացյալ Նահանգներն իրավունք ունի պաշտպանվելու և պատրաստ է առանց վարանելու «համապատասխան գործողությունների» դիմել։
