ՏԵՍԱՆՅՈՒԹ. Պաղեստինամետ ցույցեր. Լոնդոնում մասնակցել է մոտ 100 հազար մարդ, Բեյրութում բախումներ են սկսվել

Աշխարհի շատ քաղաքներում շարունակվում են պաղեստինամետ բազմամարդ ցույցերը։ Հանրահավաքներ են անցկացվել Հռոմում, Վարշավայում, Լոնդոնում, Սիդնեյում և Տոկիոյում:

Բեյրութում անցկացված պաղեստինամետ ցույցի ժամանակ բախումներ են սկսվել: Իրավապահները թույլ չեն տվել ցուցարարներին մոտենալ Ֆրանսիայի դեսպանատանը: Լոնդոնում էլ պաղեստինամետ զանգվածային բողոքի ցույցին, ըստ տեղի ոստիկանության, մասնակցել է մոտ 100 հազար մարդ:

Հիշեցնենք, որ ՀԱՄԱՍ-ի հարձակումների պատճառով վիրավորված իսրայելցիների թիվը գերազանցել է 5 հազարը։ Իսրայելի պաշտպանության բանակը հայտնել է, որ շարժումը պատանդ է պահում առնվազն 210 մարդու, սակայն դա վերջնական թիվ չէ: Միևնույն ժամանակ, Գազայի հատվածում էսկալացիայի սկզբից ի վեր 4385 մարդ է զոհվել, ավելի քան 13,5 հազարը՝ վիրավորվել, հայտնում է Պաղեստինի առողջապահության նախարարությունը։