ՀՀ–ն պատրաստ է ապահովել «բոլորը բոլորի դիմաց» սկզբունքը. Փաշինյանը` գերիների մասին

ՀՀ–ն պատրաստ է ապահովել բոլոր գերիների, պահվող անձանց, կալանավորված անձանց «բոլորը բոլորի դիմաց» սկզբունքը։ Այս հայտարարությունն արեց ասաց ՀՀ վարչապետ Նիկոլ Փաշինյանը` ելույթ ունենալով Եվրոպական խորհրդարանում։

«Պատրաստ ենք նաև սերտորեն համագործակցել անհետ կորածների ճակատագրի պարզաբանման հարցում։ ՀՀ 1016 քաղաքացի այս պահին համարվում է անհետ կորած»,– ասաց նա։

Փաշինյանն ընդգծեց, որ ՀՀ–ն պատրաստ է նաև համագործակցել ականազերծման հարցում։

«Ուզում եմ հատուկ ընդգծել, որ դեռ 2021 թ. ՀՀ–ն ԼՂ–ից ստացել ու Ադրբեջանին է փոխանցել ականապատ դաշտերի հայկական կողմի տրամադրության տակ առկա բոլոր քարտեզները»,– ասաց նա։

Ըստ ՀՀ վարչապետի` ՀՀ–ն սա արել է առանց նախապայմանների, որպես բարի կամքի արտահայտություն, սակայն Ադրբեջանը դա ընկալեց ոչ թե որպես խաղաղությանն ուղղված քայլ, այլ ՀՀ–ի նկատմամբ ագրեսիվ հռետորաբանությունը սաստկացնելու առիթ։

ՀՀ իշխանությունների տվյալներով` ադրբեջանական գերության մեջ 33 հայ զինծառայող և քաղաքացիական անձ կա։ Բաքուն էլ հաստատում է 33 անձի գերի լինելու փաստը։ Հայ իրավապաշտպանների տվյալներով` ադրբեջանական գերության մեջ է գտնվում 80 անձ։