Գազայի հատվածում «Պաղեստինյան աշտարակի» վրա հարձակման պահը ֆիքսվել է Al Jazeera-ի ուղիղ եթերում: 

Իսրայելական ավիացիան հարվածներ է հասցրել Գազայի հատվածում գտնվող երկու բարձրահարկ շենքերի վրա, որոնք օգտագործվում էին պաղեստինյան ՀԱՄԱՍ խմբավորման կողմից, հայտնում է Իսրայելի պաշտպանության բանակը, գրում է The Times of Israel-ը։
 

«ՀԱՄԱՍ-ը միտումնավոր է տեղավորում իր ռազմական ակտիվները Գազայի հատվածում խաղաղ բնակիչներով շրջապատված հատվածներում: Հարվածից առաջ Իսրայելի պաշտպանության բանակը նախապես զգուշացրել է շենքի բնակիչներին և խնդրել է տարհանվել»,- ասել են իսրայելցի զինվորականները:
 

Խոսքը «Պաղեստինյան աշտարակի» մասին է, հայտնում է Quds գործակալությունը։ 14-հարկանի շենքում տեղակայված են ՀԱՄԱՍ-ի հետ կապված գրասենյակները, հայտնում է Associated Press-ը: Զոհերի թիվը անհայտ է, գրում է AP-ն:
 

ՀԱՄԱՍ-ի ռազմական խոսնակ Աբու Օբեյդան խոստացել է Իսրայելին կոշտ պատասխան տալ։