ՏԵՍԱՆՅՈՒԹ․ Երկրաշարժ՝ Աֆղանստանի արևմուտքում․ կան զոհեր և տուժածներ
Աֆղանստանի արևմուտքում տեղի է ունեցել 6,3 մագնիտուդ ուժգնությամբ երկրաշարժ․ առնվազն 14 մարդ է մահացել։ Այս մասին հայտնում է «ՌԻԱ Նովոստի»-ն։
Ստորգետնյա ցնցումները գրանցվել են Uհերատ քաղաքից 40 կմ հեռավորության վրա։ Երկրաշարժի օջախը գտնվել է 10 կմ խորության վրա։
Հերատ նահանգի հանրային առողջապահության վարչության տնօրեն Մոհամադ Թալեբ Շահիդը հայտնել է, որ երկրաշարժի հետևանքով զոհվել է առնվազն 14 մարդ, տուժել 78-ը։
