Առնվազն 80 մարդ է զոհվել, մոտ 240-ը՝ վիրավորվել սիրիական Հոմսում ռազմական քոլեջի վրա հարձակման հետևանքով։ Այս մասին, տեղի ԶԼՄ–ների հաղորդմամբ, հայտնել է Սիրիայի առողջապահության նախարարը:

BBC–ի ռուսական ծառայության հաղորդմամբ՝ ահաբեկչական գործողության հետևանքով կա ավելի քան 100 զոհ:

Պետական ​​Sana լրատվական գործակալությունը հրապարակել է երկրի ռազմական հրամանատարության հայտարարությունը, ըստ որի՝ մի քանի անօդաչու թռչող սարքեր պայթուցիկներով հարձակում են իրականացրել Հոմսի ռազմական ակադեմիայի վրա՝ կուրսանտների ավարտական ​​արարողության ավարտից անմիջապես հետո։
 

Երկրի բանակի պաշտոնյաները հարձակման մեջ մեղադրել են «ահաբեկչական խմբավորումներին, որոնց աջակցում են հայտնի միջազգային ուժերը»:
 

Առայժմ ո՛չ ընդդիմադիր ուժերը, ո՛չ էլ ջիհադիստական ​​խմբավորումները չեն ստանձնել հարձակման պատասխանատվությունը, թեև նախնական հաղորդագրությունները ցույց են տալիս, որ անօդաչու թռչող սարքն արձակվել է Հոմսից հյուսիս-արևմուտք ընդդիմության կողմից վերահսկվող շրջաններից: