Ռուսաստանը սկսել է տնտեսական պատժամիջոցնե՞ր կիրառել հայկական կոնյակի դեմ․ Bagramyan26
Ռուսաստանը սկսել է տնտեսական պատժամիջոցներ կիրառել Հայաստանի դեմ. առաջինը հայկական կոնյակն է։ Այս մասին գրում է Bagramyan26 տելեգրամյան ալիքը:
«Ըստ ստացվող տեղեկությունների՝ արդեն 2 շաբաթ է, ինչ Հայաստանից մոտ 60 բեռնատարներ են կայանված Վերին Լարսի անցակետում, որոնց արգելված է մեկնել Ռուսաստան։ Մեքենաները բեռնված են Հայաստանից Ռուսաստան արտահանվող կոնյակով, տարբեր արտադրողներից, այդ թվում՝ «Արարատ» և «Նոյ»»,- ասվում է հրապարակման մեջ։
Նշվում է, որ արգելքը պաշտոնապես հիմնավորվում է նրանով, որ իբր կոնյակը պետք է փորձաքննություն անցնի՝ դրա իսկությունը պարզելու համար։
Auroranews-ը փորձեց մեկնաբանություն կամ պարզաբանում ստանալ նշյալ ընկերություններից, սակայն կապ հաստատել չհաջողվեց: Նոր տեղեկություն ունենալու դեպքում կներկայացնենք:
