Թուրքիայի ՊՆ–ն՝ ՌԴ–ից Աֆրիկա հացահատիկի մատակարարման մասին
Աֆրիկյան երկրներ ռուսական հացահատիկի մատակարարման համար մի շարք վարչական հարցեր են լուծվում, հայտարարել է Թուրքիայի պաշտպանության նախարար Յաշար Գյուլերը։ Նա չի հստակեցրել, թե ինչի հետ են կապված այս հարցերը, ինչպես նաև չի նշել առաքումների մեկնարկի հնարավոր ժամկետները, գրում է ТАСС–ը։
«Այս օգնությունը պետք է ուղարկվի աֆրիկյան ութ երկրներ: Այժմ դրա հետ կապված որոշ վարչական խնդիրներ լուծվում են»,- ասել է Գյուլերը Haberturk հեռուստաալիքին տված հարցազրույցում:
Ռուսաստանը հուլիսի 18-ին դուրս եկավ հացահատիկի գործարքից՝ հայտարարելով, որ չեն կատարվել իր պայմանները։ Ռուսական կողմը պնդել է Ռոսսելխոզբանկը SWIFT-ին վերամիավորելու և ռուսական գյուղատնտեսական ապրանքների և պարարտանյութերի համաշխարհային շուկա մուտքի արգելքը հանելու մասին։
Սեպտեմբերի 4-ին Թուրքիայի նախագահ Ռեջեփ Թայիփ Էրդողանի հետ հանդիպումից հետո ՌԴ նախագահ Վլադիմիր Պուտինն ասել է, որ Ռուսաստանի Դաշնությունը պատրաստ է վերադառնալ գործարքի իրականացմանը՝ ռուսական գյուղմթերքի արտահանման սահմանափակումների վերացումից հետո։ Ուկրաինայի ԱԳՆ-ն հրաժարվել է զիջումների գնալ Ռուսաստանի Դաշնությանը: ՄԱԿ-ի գլխավոր քարտուղար Անտոնիո Գուտերեշը նամակ է հղել Ռուսաստանի արտգործնախարար Սերգեյ Լավրովին՝ գործարքը վերսկսելու առաջարկներով։ Վերջինս քքննադատել է ՄԱԿ-ի նախաձեռնությունը:
