Հռոմի ստատուտի վավերացումը ամենաբացասական հետևանքներն է ունենալու․ ՌԴ ԱԳՆ

ՌԴ ԱԳՆ-ն արձագանքել է ՀՀ ԱԺ պետաիրավական հարցերի մշտական հանձնաժողովում Հռոմի ստատուտի վավերացման վերաբերյալ որոշմանը։ Այս մասին տեղեկանում ենք ՏԱՍՍ գործակալությունից։ 

«Հռոմի ստատուտի վավերացումը ամենաբացասական հետևանքներն է ունենալու երկկողմ հարաբերությունների համար։ Ռուսաստանը հույս ունի, որ ՀՀ ԱԺ-ում կգտնվեն ուժեր, որոնք չեն դակի Հռոմի ստատուտի վերաբերյալ տոքսիկ որոշումը»,- ըստ լրատվամիջոցի հայտնել են ՌԴ ԱԳՆ-ից։

Նշենք նաև, որ Հայաստանի կողմից Հռոմի ստատուտի վավերացումից հետո դժվար կլինի պատկերացնել ՌԴ ղեկավարության այցերը հանրապետություն, ընդգծել են ԱԳՆ-ում։

Հիշեցնենք՝ ԱԺ պետական-իրավական հարցերի մշտական հանձնաժողովն այսօրվա նիստում դրական եզրակացություն տվեց միջազգային քրեական դատարանի Հռոմի կանոնադրության վավերացման նախագծին։ Փաստաթուղթը կքննարկվի խորհրդարանի լիագումար նիստում։