Վիճակը ծայրահեղ ծանր է. Արտակ Զաքարյանը՝ Ստեփանակերտում պայթյունի հետևանքների մասին
Վիճակը ծայրահեղ ծանր է և յուրաքանչյուր րոպեն որոշիչ է, պայթյունի արդյունքում ծանր վիրավորները պետք է արագ ուղղաթիռներով տեղափոխեն Հայաստան։ Նման գրառմամբ է հանդես եկել Արցախի պաշտպանության նախարարի նախկին տեղակալ Արտակ Զաքարյանը։
«Հայկական կարմիր խաչի միջազգային կոմիտե,
Հայաստանում օտարերկրյա դեսպանատներ,
ՀՀ կառավարություն
Արագ միջոցներ ձեռնարկեք Ստեփանակերտի բենզինի պահեստի պայթյունի արդյունքում ծանր վիրավորներին, ուղղաթիռներով արագ Հայաստանի Հանրապետության հիվանդանոցներ հասցնելու համար: Վիճակը ծայրահեղ ծանր է և յուրաքանչյուր րոպեն որոշիչ է»,- նշված է նրա գրառման մեջ:
