Հայաստանի Զինված Ուժերը անվադողերի կարիք չունի. ՀՀ ՊՆ
ՀՀ պաշտպանության նախարարությունը կոչ է անում զերծ մնալ բանակի կարիքների համար անվադողերի հավաքագրման նախաձեռնություններից։ Այս մասին հայտարարություն է տարածել ՀՀ ՊՆ ռազմական ոստիկանությունը։
ԸՍՏ ՊՆ հայտարարության՝ վերջին օրերին սոցիալական ցանցերի մշտադիտարկման արդյունքում արձանագրվել են ՀՀ զինված ուժերի կարիքների համար անվադողերի հավաքագրման տասնյակից ավել դեպքեր:
«ՀՀ պաշտպանության նախարարությունը գնահատում է մտահոգ և զինված ուժերին աջակցել ցանկացող քաղաքացիների պատրաստակամությունը, սակայն այս փուլում զինված ուժերի համար անվադողերի հավաքագրման անհրաժեշտություն չկա»,– նշվում է հաղորդագրությունում:
