Էրդողանը հանդիպել է Մասկի հետ. ի՞նչ են քննարկել
Թուրքիայի նախագահ Ռեջեփ Թայիփ Էրդողանը Նյու Յորքում հանդիպել է միլիարդատեր ձեռներեց, Tesla, SpaceX, X ընկերությունների սեփականատեր Իլոն Մասկի հետ։ Այս մասին հայտնել է Թուրքիայի նախագահին առընթեր հանրային կապերի գրասենյակը՝ X սոցիալական ցանցում (նախկինում՝ Twitter):
Հանդիպման ընթացքում Թուրքիայի նախագահը գործարարին կոչ է արել բացել Tesla էլեկտրական մեքենաների արտադրության յոթերորդ գործարանը Թուրքիայում։
Նշվում է, որ Էրդողանը Մասկին պատմել է նաև Թուրքիայի թվայնացման հայեցակարգի և արհեստական բանականության ոլորտում ազգային ռազմավարության մասին։
