Կան չլուծված խնդիրներ. Մարուքյանը` հայ-ադրբեջանական սահմանին ՀԱՊԿ առաքելության տեղակայման մասին
«Ադրբեջանական ագրեսիայից հետո ՀԱՊԿ փաստահավաք առաքելություն է ժամանել Հայաստան: Մենք ակնկալում էինք քաղաքական գնահատական և ՀԱՊԿ մեխանիզմների գործարկում»,- այդ մասին ТАСС-ին տված հարցազրույցում հայտնել է հատուկ հանձնարարություններով ՀՀ դեսպան Էդմոն Մարուքյանը՝ անդրադառնալով հարցին, թե ինչու է Հայաստանը հրաժարվում ՀԱՊԿ առաջարկներից.
«Բայց այդ ամենը տեղի չունեցավ։ Կան չլուծված խնդիրներ։ Մենք բաց և անկեղծ ենք խոսում մեր խնդիրների մասին և շարունակում ենք կանխատեսելի լինել մեր գործընկերների համար․ մեր խնդիրն է պաշտպանել Հայաստանի տարածքային ամբողջականությունը»,- ասել է Մարուքյանը։
