Առաջարկում ենք զբաղվել ձեր գործերով. Կոնգոյում հերքել են հեղաշրջման մասին լուրերը

Կոնգոյի կառավարության խոսնակ Թիերի Լեզեն Մունգալան X սոցիալական ցանցում (նախկինում՝ Twitter) հերքել է երկրում պետական ​​հեղաշրջման մասին լուրերը։ Նրա խոսքով՝ մայրաքաղաք Բրազավիլում ամեն ինչ հանգիստ է։ Ավելի վաղ մի շարք լրատվամիջոցներ, հղում անելով տեղական ԶԼՄ-ներին, գրել էին Բրազավիլում սկսված հեղաշրջման մասին, որը տեղի էր ունենում Կոնգոյի նախագահ Դենիս Սասու Նգեսսոյի՝ Նյու Յորք մեկնելուց հետո։ 

«Անհավանական տեղեկություններ են հայտնվել Բրազավիլում տեղի ունեցող լուրջ իրադարձությունների մասին։ Կառավարությունը հերքում է այս կեղծ լուրերը։ Հասարակությանը վստահեցնում ենք տիրող անդորրի մասին և առաջարկում ենք բնակչությանը հանգիստ զբաղվել իրենց գործերով»,- գրել է խոսնակը։ 

Կոնգոյի Հանրապետությունը արևմուտքից սահմանակից է Գաբոնին։ Օգոստոսի վերջին Գաբոնում տեղի ունեցավ պետական ​​հեղաշրջում, որի արդյունքում իշխանության եկան զինվորականները։ Մինչ այս նմանատիպ հեղաշրջում տեղի ունեցավ Նիգերում։ Այս բոլոր երկրները նախկին ֆրանսիական գաղութներ են։