Վարդենիսում ամեն օր «խաղաղության» կրակոցների տակ ենք գիշերում. Թովմասյան
Վարդենիսում մենք ամեն օր վայելում ենք «խաղաղության» կրակոցները ու խաղաղության կրակոցների տակ ենք գիշերում։ Այս մասին խորհրդարանական ճեպազրույցների ժամանակ իր ելույթում հայտարարել է Ազգային ժողովի «Պատիվ ունեմ» խմբակցության անդամ Թագուհի Թովմասյանը։
«Ու այդ հատվածում այս պահին ահռելի կուտակումներ են Ադրբեջանի կողմից։ Կուտակումներ են Հայաստանի ու Արցախի սահմանամերձ մյուս բոլոր հատվածներում։ Սա նշանակում է, որ անվտանգային մարտահրավերները առավել առաջնային են»,- ասել է նա։
Ընդդիմադիր պատգամավորը Նիկոլ Փաշինյանին խորհուրդ է տվել, որ որպես հայկական դիրքորոշում ունեցող նա հնարավորինս հաճախ շփվի ֆրանսիական կողմի հետ, Ֆրանսիայի նախագահի հետ։
