Երևանում բնակիչը հարձակման է ենթարկվել իր տանը․ ավազակային հարձակում է, թե ծեծկռտուք՝ պարզվում է
Այսօր՝ սեպտեմբերի 14-ին, արտակարգ դեպք է տեղի ունեցել Երևանում․ ժամը 12:00-ի սահմաններում ՀՀ Ներքին գործերի նախարարության Ոստիկանության Մալաթիայի բաժին ահազանգ է ստացվել, որ Հաղթանակ թաղմասի (Չորրորդ գյուղ) առաջին փողոցի տներից մեկում ծեծված քաղաքացի կա: Այս մասին գրում է Shamshyan.com-ը։
Պարզվել է, որ նշված փողոցի տներից մեկում հարձակման է ենթարկվել նույն տան բնակիչը՝ 60-ամյա Ա. Հ.-ն:
Ինչպես հայտնում է կայքը, դեպքի վայրում հավաքված մի քանի քաղաքացիներ, ովքեր հրաժարվեցին տեսախցիկի առաջ խոսել, ասում էին, որ մի քանի հոգով հարձակվել են տան վրա ու ծեծի ենթարկել բժշկական կենտրոն տեղափոխված տղամարդուն: Մի մասն էլ նշում էին, թե տեղի է ունեցել ավազակային հարձակում:
Կայքի հաղորդմաբ՝ այդ ամենը ոստիկանությունն ու քննչական բաժինը պարզում են: Դեպքի փաստով Մալաթիայի քննչական բաժնում նախաձեռնվել է քրեական վարույթ:
