![Կառավարությունը ՊՆ–ին օդանավակայան է նվիրաբերում. «Հրապարակ»](https://auroranews.am/storage/img/base_image/old/96d727592d70134605e614cd6cdba1ef.webp)
Կառավարությունը ՊՆ–ին օդանավակայան է նվիրաբերում. «Հրապարակ»
![Կառավարությունը ՊՆ–ին օդանավակայան է նվիրաբերում. «Հրապարակ»](https://auroranews.am/storage/img/base_image/old/96d727592d70134605e614cd6cdba1ef.webp)
«Հրապարակ» օրաթերթը գրում է․«Կառավարությունը պաշտպանության նախարարությանն է նվիրաբերում «Արտակարգ իրավիճակների օդանավակայան» ՓԲԸ-ն։ Նպատակը, ըստ շրջանառության մեջ դրված նախագծի, ՀՀ-ում փոքր ավիացիայի և հայաստանյան օդանավակայանների զարգացման հեռանկարն է։ Այս օդանավակայանը գտնվում է Լոռու մարզում՝ Ստեփանավան քաղաքում, Վրաստանից 20 կմ հեռավորության վրա։
Օդանավակայանը երկար տարիներ թռիչքներ չի իրականացրել և գործունեություն չի ծավալել։ Անշարժ գույքն իրենից ներկայացնում է 61.7 հա հողատարածք, իսկ շենքերի գերակշիռ մասն ամբողջությամբ քանդված է։
Օդանավակայանն ընդգրկված է եղել պետական գույքերի մասնավորեցման ցուցակում, բայց հետագայում հանվել է։ Կառավարության որոշման նախագծում չկա որևէ տեղեկություն, թե ՊՆ-ն զարգացման ինչ ծրագրեր է իրականացնելու։
«Որոշման նախագծի մշակման համար հիմք էր հանդիսացել 2023 թ. փետրվարի 14-ի ՀՀ պաշտպանության նախարարության թիվ ՊՆ/510/766-2023 գրությունը՝ հասցեագրված ՀՀ տարածքային կառավարման և ենթակառուցվածքների նախարարությանը, ինչպես նաև հիմք է հանդիսացել ՀՀ-ում փոքր ավիացիայի և հայաստանյան օդանավակայանների զարգացման հեռանկարը»,- նշվում է նախագծում»։
Մանրամասները՝ թերթի այսօրվա համարում: