Ուկրաինայի ԶՈՒ հակահարձակումը կշարունակվի նույնիսկ ցուրտ եղանակին. Կիրիլ Բուդանովը
Ուկրաինայի Զինված ուժերի հակահարձակումը կշարունակվի նույնիսկ ցուրտ եղանակի սկսվելուց հետո, չնայած այն հանգամանքին, որ մարտական առաջադրանքների կատարումն ավելի դժվար կլինի, Reuters-ին ասել է Ուկրաինայի ՊՆ գլխավոր հետախուզական վարչության ղեկավարը Կիրիլ Բուդանովը:
Հետախուզության գլխավոր վարչության պետը նշել է, որ հակահարձակումը, որը շարունակվում է մի քանի ուղղություններով, իր ակնկալածից ավելի դանդաղ է ընթանում, և իրավիճակը մարտական գոտում բարդ է:
Նշվում է, որ Ուկրաինայի զինված ուժերի ռազմական գործողության կարևորագույն մասը՝ հարձակումն է Զապորոժիեի մարզի հարավ-արևելքում ՝ Ռաբոտինո և Վերբովոյե գյուղերի մոտակայքում:
Հիշեցնենք, որ Ուկրաինայի հակահարձակումը սկսվել է հունիսին։
