Զորավարժությունների անցկացումը միայն բարդացնում է իրավիճակը. Իրանի նախագահը` Նիկոլ Փաշինյանին
Իրանի նախագահ Էբրահիմ Ռայիսին ՀՀ վարչապետ Նիկոլ Փաշինյանի հետ հեռախոսազրույցում հայտարարել է, որ տարածաշրջանում և նրա սահմաններում ցանկացած փոփոխություն Իրանի համար կարմիր գծեր են։ Х սոցցանցի իր միկրոբլոգում այս մասին գրել է Իրանի նախագահի տեղակալ Մոհամմադ Ջամշիդին` ներկայացնելով Ռայիսի–Փաշինյան զրույցի մանրամասները։
Ռայիսին ընդգծել է, որ «3+3» ձևաչափից դուրս շփումը, օտարերկրացիների հետ համագործակցությունը, նրանց հետ զորավարժությունների անցկացումը և կասկածելի ուղևորությունները միայն բարդացնում են իրավիճակը։
Միաժամանակ նշվել է, որ Իրանը պատրաստ է օգնել ՀՀ–ին և Ադրբեջանին առկա խնդիրները լուծելու գործում։
Հայտնել էինք, որ տեղի է ունեցել հեռախոսազրույց ՀՀ վարչապետ Նիկոլ Փաշինյանի եւ Իրանի Իսլամական Հաանրապետության նախագահ Էբրահիմ Ռայիսիի միջեւ:
