Պետք չէ սև ու սպիտակ գնահատականներ տալ. փոխվարչապետը` ԵՄ դիտորդների գործունեության արդյունավետության մասին
Այս կամ այն գործընկերոջ գործողություններին կամ աջակցության որակին սև ու սպիտակ գնահատականներ տալ պետք չէ։ Այսօր լրագրողների հետ զրույցում այս հայտարարությունն արեց ՀՀ փոխվարչապետ Մհեր Գրիգորյանը` անդրադառնալով ԵՄ դիտորդների գործունեության արդյունավետությանը վերաբերող մասին հարցին։
«Կրակոցները որևէ բացատրություն չունեն, բայց մենք պետք է խորը վերլուծենք և հասկանանք, թե ինչ դերակատարների, ինչ գործողությունների պակաս կա»,– ասաց նա։
Գրիգորյանի խոսքով` պետք է հասկանալ, թե ինչ հավելյալ երաշխիքներ կան կիրառելու, որպեսզի սահմանին բացառվեն միջադեպերը։
Հիշեցնենք, որ փետրվարի 20-ին Հայաստանում տեղակայվեց 100 հոգուց բաղկացած եվրոպական նոր առաքելություն՝ երկու տարվա մանդատով: Առաքելության նպատակն է նպաստել Հայաստանի սահմանամերձ շրջաններում կայունությանը, տեղերում վստահության ամրապնդմանը և Հայաստանի ու Ադրբեջանի միջև հարաբերությունների կարգավորմանն ուղղված ջանքերին նպաստող պայմանների ապահովմանը:
