Ռուսաստանի լայնամասշտաբ ներխուժումից ի վեր Ուկրաինան ստացել է 100 մլրդ դոլարի օգնություն. Ուկրաինայի ՊՆ
ՌԴ-ի լայնամասշտաբ ներխուժումից ի վեր Ուկրաինան գործընկերներից ստացել է մոտ 100 մլրդ դոլարի օգնություն։ Այդ գումարի մեջ է մտնում սպառազինությունն ու ռազմական տեխնիկան։ Այս մասին հայտնել Է Ուկրաինայի պաշտպանության նախարար Ալեքսեյ Ռեզնիկովը:
«Մենք փողով ստացել ենք տարբեր զենքեր և տեխնիկա, փամփուշտներ, արկեր և այն, կարծում եմ ՝ 100 միլիարդի շրջանակում։ Միայն ԱՄՆ-ից ավելի քան 50 միլիարդ, արդեն մոտենում է 60-ին: Եթե դա բազմապատկենք գրիվնայի փոխարժեքով, կտեսնեք, թե քանի տրիլիոն գրիվնա է դա», - ընդգծել է Ռեզնիկովը ։
Միևնույն ժամանակ նախարարը նշել է, որ Ուկրաինայի պետական բյուջեով նախատեսված պաշտպանական բյուջեի մեծ մասը ծախսվում է զինվորականների դրամական բավարարման և փոխհատուցման վրա:
Հիշեցնենք, որ Դանիան 2024 թվականին Ուկրաինայի զարգացման նպաստը կավելացնի մինչեւ 160 մլն դոլար ։
Մինչդեռ Բրիտանիան ավելի քան 14 մլն դոլար Է հատկացրել ուկրաինացի փախստականներին օգնելու համար։ Մեծ Բրիտանիայի համահարթեցման, բնակարանաշինության և համայնքների հարցերով նախարարությունն Ուկրաինայի Անկախության օրը հայտարարել է ուկրաինացի փախստականների աջակցության նոր փաթեթի մասին, որն արժե 11,5 մլն ֆունտ:
