ՏԵՍԱՆՅՈՒԹ․ «Դա աբսուրդ է․ Ռուսական կողմը սեփական անկարողությունը բարդում է հայկական կողմի վրա»․ Սիմոնյան
Ազգային Ժողովի նախագահ Ալեն Սիմոնյանը երեկ երեկոյան հանրային հեռուստաընկերության եթերում՝ Պետրոս Ղազարյանի հյուրն էր, որտեղ քննարկման թեման սահմանային իրավիճակն էր։
Խոսելով հայ-ռուսական հարաբերությունների մասին Սիմոնայնը անհեթեթ է անվանել ՌԴ ԱԳՆ պաշտոնական ներկայացուցիչ Մարիա Զախարովայի վերջին հայտարարությունները Լաչինի միջանցքի շրջափակման պատճառների մասին։
«Ես տեսել եմ այս հայտարարությունը, և որքան հիշում եմ, ասվում է, որ հայկական կողմը ճանաչել է Ադրբեջանի տարածքային ամբողջականությունը, սա աբսուրդ է, քանի որ այն երկիրը, որը պետք է երաշխավոր լինի, այսինքն՝ ռուսական կողմը, ճանաչել է Ադրբեջանի տարածքային ամբողջականությունը», - ասել է Սիմոնյանը՝ հիշեցնելով, որ ՌԴ նախագահ Վլադիմիր Պուտինը 2020 թվականի նոյեմբերի 17-ին տված հարցազրույցում ասել է, որ Արցախը, Լեռնային Ղարաբաղը եղել են, կլինեն և կլինեն Ադրբեջանի անբաժանելի մասը։
«Ենթադրենք, հայկական կողմը ինչ-որ հայտարարություն է արել, բայց կա 2020 թվականի նոյեմբերի 9-ի հայտարարություն, որի տակ կան երեք երկրների ստորագրություններ, որտեղ ասվում է, որ Լաչինի միջանցքը 5 կմ լայնությամբ տարածք է, որը գտնվում է ռուս խաղաղապահների իրավասության ներքո․ Հիմա հարց է՝ որտե՞ղ է այս տարածքը, որտե՞ղ են ռուս խաղաղապահները»,- հավելել է Սիմոնյանը։
Մանրամասները՝ տեսանյութում։
