Էմանուել Մակրոնը՝ Նիգերի վերաբերյալ որոշումներ ընդունելու մասին
Ֆրանսիան Նիգերի վերաբերյալ ցանկացած որոշում կընդունի միայն ապստամբության հետևանքով հեռացված նախագահ Մուհամեդ Բազումի հետ խորհրդակցելուց հետո։ Այս մասին հայտարարել է Ֆրանսիայի նախագահ Էմանուել Մակրոնը։ Մակրոնը նշել է, որ Փարիզը Բազումին ճանաչում է որպես Նիգերի միակ օրինական ղեկավար։
«Որոշումները, ինչպիսին էլ որ լինեն դրանք, կընդունվեն նախագահ Բազումի հետ քննարկումների հիման վրա»,- Մակրոնի խոսքերն է մեջբերել Agence France-Presse-ը։
Նա նաև վերահաստատել է իր աջակցությունն Արևմտյան Աֆրիկայի տնտեսական համայնքի «համարձակ և հստակ որոշումներին, որոնք դատապարտում էին ապստամբությունը, որը ենթադրում էր ծանր տնտեսական պատժամիջոցներ»:
