ՏԵՍԱՆՅՈՒԹ. Ուժգին անտառային հրդեհներ Գելենջիկում. տեղի իշխանությունները դիմել են բնակիչներին
ՌԴ Կրասնոդարի երկրամասի Գելենջիկ առողջարանայանին քաղաքի իշխանությունները տեղի բնակիչներին խնդրել են օգնել մարել անտառային հրդեհը։
«Հավաքը կլինի վաղը, Մոսկվայի ժամանակով ժամը 8:00-ին, «Լուկօյլ» բենզալցակայանի մոտ»,- հայտնել է տեղի քաղաքային վարչությունը թելեգրամյան ալիքում:
Վարչակազմն ընդգծել է, որ անհրաժեշտ են միայն հանդերձավորված մարդիկ, նախընտրելի են հրդեհաշիջման փորձ ունեցողներ։
Նշվում է, որ Գելենջիկում մեկ օրում միանգամից երեք զանգվածային անտառային հրդեհ է սկսվել: Փրկարարներին հաջողվել է ամբողջությամբ վերացնել երկու հրդեհ՝ Ջանխոտ ֆերմայի մոտ և Նեքսիս լեռան տարածքում, հայտնել է Տարածաշրջանային անտառային հրդեհների կենտրոնը:
Երրորդ հրդեհը հրահրել է տեղի 40-ամյա բնակիչը, ով վաճառքի համար էլեկտրական մալուխ էր պատրաստում։ Ոստիկանությունը ձերբակալել է հրդեհի ենթադրյալ մեղավորին։
Գելենջիկում անտառային հրդեհի տարածքը կազմում է հինգ հեկտար, որի մարմանը մասնակցում է 195 մարդ, հայտնում է РИА Новости-ն՝ արտակարգ իրավիճակների նախարարությանը հղումով։
