Եվս մեկ ռազմական հեղաշրջում Աֆրիկայում․ զինվորները հայտարարել են ընտրությունների արդյունքների չեղարկման մասին
Աֆրիկա մայրացամաքում ևս մեկ ռազմական հեղաշրջում է տեղի ունենում։ Գաբոնում զինվորականները հայտարարել են համապետական ընտրությունների արդյունքների չեղարկման և իշխանության ինստիտուտների լուծարման մասին։
Գաբոնի զինվորականները հեռուստատեսությամբ հայտարարել են երկրի ղեկավարի պաշտոնի համար թեկնածուների քվեարկության արդյունքների չեղարկման մասին՝ գործող նախագահի հաղթանակից հետո։ Նշենք, որ նա երրորդ ժամկետով վերընտրվել՝ հավաքելով ձայների ավելի քան 64%-ը։
Գաբոնի սահմանադրությունը նախագահական ժամկետների քանակի սահմանափակում չի նախատեսում։ Բանակի ղեկավարությունը անհամաձայնություն է հայտնել նման արդյունքների հետ կապված։
Հավելենք, որ ըստ AFP-ի, Լիբրևիլ քաղաքում փոխհրաձգություն է սկսվել։
