ԱՄՆ-ն Ուկրաինայի համար 250 միլիոն դոլարի ռազմական օգնության նոր փաթեթ է պատրաստել
ԱՄՆ-ը հայտարարել է Ուկրաինային 250 միլիոն դոլարի լրացուցիչ ռազմական օգնության նոր փաթեթի մասին, որը ներառում է զինամթերք, սարքավորումներ և պահեստամասեր, ինչպես նաև անձնակազմի վերապատրաստում։
«Այսօր մենք հայտարարում ենք ռազմական օգնության հաջորդ փաթեթի մասին, որը կօգնի Ուկրաինային պաշտպանել իր տարածքը և իր ժողովրդին: Այս փաթեթը պարունակում է կարևոր հնարավորություններ, որոնք կօգնեն Ուկրաինային մարտի դաշտում», - ասված է Միացյալ Նահանգների պետքարտուղար Էնթոնի Բլինքենի՝ Պետդեպարտամենտի կայքէջում հրապարակված հայտարարությունում:
