Binance-ը դիտարկում է Ռուսաստանից ամբողջությամբ դուրս գալու հարցը. WSJ

Կրիպտոարժույթների ամենամեծ բորսան հանդիսացող Binance-ը վերանայում է իր ռուսական բիզնեսը և կարող է ամբողջությամբ դուրս գալ Ռուսաստանից։ Այս մասին The Wall Street Journal-ին հայտնել է բորսայի ներկայացուցիչը՝ անանունության պայմանով։ 

«Բոլոր տարբերակները քննարկվում են, ներառյալ ամբողջական ելքը», - The Wall Street Journal-ին (WSJ) ասել է բորսայի ներկայացուցիչը: 

Օգոստոսի 26-ին Binance-ը սահմանափակեց Binance P2P-ի միջոցով ցանկացած արժույթի առևտուրը ռուսաստանցիների համար՝ բացառությամբ ռուբլու: Սա վերաբերում է այն հաճախորդներին, ովքեր անցել են «Ճանաչիր քո հաճախորդին» (Know Your Customer, KYC) ստուգումը Ռուսաստանում: 

Դա տեղի ունեցավ The Wall Street Journal-ի նյութի հրապարակումից հետո, ըստ որի՝ Binance-ը դեռ աջակցում է պատժամիջոցների տակ գտնվող «Сбербанк»–ի և «Тинькофф»–ի քարտերին՝ դրանք վերանվանելով «կանաչ տեղական քարտ» և «դեղին տեղական քարտ»: