90 տարեկանում մահացել է ռուս ռեժիսոր Գլեբ Պանֆիլովը
90 տարեկան հասակում մահացել է ռեժիսոր, ՌՍՖՍՀ ժողովրդական արտիստ Գլեբ Պանֆիլովը, Интерфакс–ին հայտնել է «Լենկոմ» թատրոնի տնօրեն Մարկ Վարշավերը։
«Ցավոք սրտի, մահացել է մեծ ռեժիսոր, մեր թատրոնի ընկեր Գլեբ Անատոլիևիչ Պանֆիլովը»,- ասել է Վարշավերը։
Վարշավերը հիշեցրել է, որ ռեժիսորը վերջին ամիսներին ապաքինվում էր հիվանդությունից։
Գլեբ Պանֆիլովը ծնվել է 1934 թվականի մայիսի 21-ին Մագնիտոգորսկում։
Պանֆիլովը «Васса», «В круге первом», «Мать», «Тема», «Иван Дениснович» ֆիլմերի ռեժիսորն է։
Գլեբ Պանֆիլովը Լոկառնոյի, Վենետիկի և Բեռլինի փառատոների դափնեկիր է։ 1990 թվականին Կաննի կինոփառատոնում արժանացել է հատուկ մրցանակի՝ «Мать» ֆիլմի համար գեղարվեստական ակնառու նվաճումների համար։
