ԼՈՒՍԱՆԿԱՐՆԵՐ․ Տավուշի մարզում երկհարկանի տուն է այրվել. տան նկուղային հարկում դի են հայտնաբերել

Տավուշի մարզի Բարեկամավան գյուղում այրվել է երկհարկանի առանձնատուն։ Փրկարարները նկուղային հարկում հայտնաբերել են 87-ամյա Ն․ Վ․- ի դին։ Այս մասին հայտնում է ՀՀ ՆԳՆ մամուլի ծառայությունը։

Նշվում է, որ հրդեհի մասին ահազանգ Տավուշի մարզային փրկարարական վարչության ճգնաժամային կառավարման կենտրոնից ստացել են այսօր ժամը 05։39-ին։

Դեպքի վայր մեկնած փրկարարները պարզել են, որ հրդեհը բռնկվել է 2-րդ փողոցի 6-րդ նրբանցքի 4-րդ փակուղու տներից մեկում և մոտակա խորդանոցում։ Հրդեհը մեկուսացվել է ժամը 07։58-ին, մարվել՝ 11։52-ին։ Այրվել են երկհարկանի տունը (մոտ 200 քմ)՝ գույքով և տանը կիցը խորդանոցի տանիքը (մոտ 40 քմ)։

[973ea58fa9024d6ca7a8e78936771c16.jpg]

[bfd149cf135c30b229aad27deac0994e.jpg]