Պետք է դադարեցնել Լաչինի միջանցքի շրջափակումը. Ռուսաստան

ՄԱԿ-ում ՌԴ ներկայացուցիչ Դմիտրի Պոլյանսկին հայտարարել է, որ Մոսկվան ակտիվորեն աշխատում է Հայաստանի և Ադրբեջանի հաշտեցման համար:

«Կարևոր է երկու երկրների սահմանազատումը, երկխոսության մեջ անհրաժեշտ է ԼՂ բնակիչների իրավունքների երաշխավորությունը»,– ասել է նա։

«Հայաստանի և Ադրբեջանի հաշտեցումը հնարավոր չէ, եթե հստակ անվտանգության երաշխիքներ չլինեն ԼՂ բնակիչների համար՝ միջազգայնորեն ճանաչված սկզբունքների հիման վրա։ Այդ տրամաբանությունը բխում է վերջին համաձայնություններից՝ յուրաքանչյուր կողմ ճանաչում է մյուսի տարածքային ամբողջականությունը Ալմաթիի հռչակագրի համաձայն»,- նշել է նա:

Պոլյանսկին նաև հնարավոր է համարել Աղդամի ճանապարհով ԼՂ մարդասիրական օգնություն ուղարկելը։