Միրզոյանն ու Լավրովը քննարկել են Լեռնային Ղարաբաղի հումանիտար ճգնաժամը
ՀՀ և ՌԴ արտգործնախարարներ Արարատ Միրզոյանը և Սերգեյ Լավրովը քննարկել են Լեռնային Ղարաբաղում առաջացած ճգնաժամը։ Միրզոյանն այդ մասին գրել է Twitter–ում։
«Հեռախոսազրույցի ընթացքում ընդգծվել է Լաչինի միջանցքի անօրինական շրջափակման և ԼՂ-ում էթնիկ զտումների հետևանքով առաջացած հումանիտար աղետը կանխելու հրամայականը։ Շեշտվել է շրջափակումը վերացնելու հստակ քայլերի անհրաժեշտությունը»,– նշել է նախարարը։
Հիշեցնենք, որ օգոստոսի 11-ին Հայաստանի Հանրապետությունը դիմել էր Միավորված ազգերի կազմակերպոության Անվտանգության խորհուրդ՝ Լեռնային Ղարաբաղի խաղաղ բնակչությանը հարկադրված լիակատար շրջափակման հետևանքով հումանիտար իրավիճակի վատթարացման առնչությամբ արտահերթ նիստ գումարելու պահանջով:
Նշենք, որ ՄԱԿ ԱԽ նիստը կկայանա այսօր՝ Երևանի ժամանակով 23։00-ին։
