Իսրայելը դեմ է Թուրքիայի կողմից սիրիական բանակի վերականգնմանը
Իսրայելը դեմ է Թուրքիայի կողմից սիրիական բանակի վերականգնմանը: Այս մասին գրում է Al Arabiya-ն:
Հեռուստաալիքը, հղում անելով իր աղբյուրներին, հաղորդում է, որ Իսրայելը համաձայնագրում պահանջում է սահմանափակել ռազմավարական զենքի տեղակայումը Սիրիայում, ինչը կպահպանի գործողությունների ազատությունը և Իսրայելի ռազմաօդային ուժերի օդային գերազանցությունը տարածաշրջանում։
Այն նաև ներառում է դրույթներ Սուվեյդա նահանգի Ջաբալ ալ-Դրուզում մարդասիրական միջանցք ստեղծելու մասին՝ դրուզ համայնքին աջակցելու համար, և սիրիական Գոլանի բարձունքների զինաթափման վերաբերյալ։
Բացի այդ, փաստաթուղթը նախատեսում է միջազգային օգնություն Սիրիայի վերականգնման գործում՝ ԱՄՆ-ի և արաբական երկրների աջակցությամբ՝ իրավիճակը կայունացնելու և Իրանի ազդեցությունը սահմանափակելու համար։
