Եթե Հայաստանը և Ադրբեջանն իրար վստահեին, որևէ թուղթ ստորագրելու անհրաժեշտություն չէր լինի․ Փաշինյան
Հանրային դիսկուրսում էպիկ նախադասություն կա՝ ինչպե՞ս կարելի է վստահել Ադրբեջանին: Սա հաճախ հնչում է, հնչել է առաջ և հնչելու է առաջիկայում: Բայց չի նկատվում, որ խնդիրը կաթիլ-կաթիլ վստահություն կառուցելն է: Այդ մասին օտարերկրյա պետություններում ՀՀ դիվանագիտական ներկայացուցչությունների ղեկավարների տարեկան աշխատաժողովի ժամանակ ասել է ՀՀ վարչապետ Նիկոլ Փաշինյանը:
«Ավելին ասեմ, եթե փոխադարձաբար Հայաստանը և Ադրբեջանն իրար վստահեին, որևէ թուղթ ստորագրելու անհրաժեշտություն պարզապես չէր լինի:
Դիվանագիտությունն անվստահության միջավայրում նաև վստահության հենման կետ կամ տեսական հնարավորություն ստեղծելն է»,- ասել է Նիկոլ Փաշինյանը:
