Մեր քննարկման առարկան Լաչինի միջանցքն է. Մարուքյան

Հատուկ հանձնարարություններով դեսպան Էդմոն Մարուքյանն անհիմն է անվանել Բաքվի՝ «տարածքային պահանջների» վերաբերյալ Երևանին ուղղված նոր մեղադրանքները:
 

Հանրային ՀԸ-ի եթերում Մարուքյանն ընդգծել է, որ ադրբեջանական զինված ուժերը գտնվում են Հայաստանի ինքնիշխան տարածքում. «Ադրբեջանը պարտավոր է իր զինված ուժերը դուրս բերել Խորհրդային Հայաստանի վարչական տարածքից, որը ՀՀ ինքնիշխան տարածք է ճանաչվել Ալմաթիի հռչակագրի համաձայն», -նշել է նա՝ ընդգծելով, որ Հայաստանը ոչ մի տարածքային պահանջ չի ներկայացրել Ադրբեջանին։
 

Հատուկ հանձնարարություններով դեսպանն ակնկալում է, որ ՄԱԿ-ի Անվտանգության խորհուրդը կոնկրետ որոշումներ կկայացնի։
 

Մարուքյանը նշել է, որ Հայաստանը չի քննարկում Ադրբեջանի առաջարկած այլընտրանքային ուղիների հարցը․ «Մեր քննարկման առարկան Լաչինի միջանցքն է»,- ասել է նա։
 

Ադրբեջանի կողմից կազմակերպված ապատեղեկատվության վերջին հոսքերը Մարուքյանը հիմք է համարում տեղում նոր սադրանքներ կազմակերպելու համար: