20 անօդաչու թռչող սարքերով հարձակվել են Ղրիմի վրա․ ՌԴ ՊՆ
Օգոստոսի 12-ի գիշերը ռուս զինվորականները հետ են մղել Ղրիմի վրա ուկրաինական 20 անօդաչու թռչող սարքերի հարձակումները, զոհեր և ավերածություններ չկան, հայտնել է ՌԴ ՊՆ-ն։
«Այսօր գիշեր կասեցվել է Կիեւի վարչակարգի՝ քսան անօդաչուներով Ղրիմի թերակղզու օբյեկտների ահաբեկչական գրոհի փորձը։14 ուկրաինական անօդաչուներ ոչնչացվել են ՀՕՊ համակարգերով։
Եվս վեց անօդաչուներ խփվել են ռադիոէլեկտրոնային պայքարի միջոցներով։
Կասեցված ահաբեկչական գրոհի արդյունքում տուժածներ եւ ավերածություններ չկան»,- ասված է հաղորդագրությունում։
