ՏԵՍԱՆՅՈՒԹ. Իմ տարիքին ա առնվազն Խոր Վիրապի ցուցանակը. Փաշինյան

ՀՀ վարչապետ Նիկոլ Փաշինյանն այսօր Կառավարության նիստում անդրադարձավ այն խնդիրներին, որոնք ինքն է արձանագրել մարզեր կատարած այցերի ժամանակ: 

«Արարատի մարզ կատարած այցի ընթացքում մեկ մեկ ինքսս ինձ ասում եմ` լավ դե ամեն ինչի վրա պետք ի մանրանալ: Օրինակ`  Խոր Վիրապը ՀՀ-ի ամենահիշարժան, ամենահայտնի վայրերից մեկն ա: Պարոն մարզպետ, պարոն նախարար, խնդրում են Խոր Վիրապի ցուցանակը մի հատ նայեք: Իմ տարիքին ա առնվազն էդ ցուցանակը»,- ասաց Նիկոլ Փաշինյանը: 

Վարչապետը նաև արձանագրեց, որ ճանապարհների ասֆալտապատման աշխատանքներն էլ որակյալ չեն արվում, փոսերը շարունակում են չլուծված խնդիր մնալ։

«Որպես վարորդ եմ եղել, բայց այդպիսի կիլոմետր չկա, որ փոս չլինի։ Դիլիջան-Իջևան ճանապարհին այդպիսի կիլոմետր չկա, որի վրա փոս չկա։

Ո՞վ է զբաղվում դրանով, կամ ինչի՞ պետք է, որ երկրի վարչապետն այս թեմային անդրադառնա։ Սա նշանակում է, որ ինչ-որ մարդիկ իրենց աշխատանքները չեն կատարում»,- վրդովվեց կառավարության ղեկավարը։

Մանրամասները` տեսանյութում: