ՏԵՍԱՆՅՈՒԹ․ Դեպի Մոսկվա շարժվող ԱԹՍ-ներ են խոցվել
Տեսախցիկները ֆիքսել են ՌԴ Մոսկվայի մարզում ուկրաինական անօդաչու թռչող սարքերի կործանման պահը։ Դոմոդեդովոյի և Օդինցովոյի բնակիչները Ռեդովկային պատմել են, որ առաջին պայթյունը լսել են գիշերը մոտ 02:40-ին, իսկ երկրորդը՝ 02:50-ին։
«Մոսկվայի քաղաքապետ Սերգեյ Սոբյանինը հայտնել է, որ ռուսական հակաօդային պաշտպանության համակարգերը Մոսկվայի մարզի տարածքում մարտական երկու անօդաչու թռչող սարք են խոցել, որոնք շարժվում էին դեպի մայրաքաղաք։ Մեկը գտնվել է Դոմոդեդովոյի շրջանում, երկրորդը՝ Մինսկի մայրուղու տարածքում»,- գրել է նա թելեգրամում։ Ավելի ուշ ՌԴ ՊՆ-ն հայտնել է, որ անօդաչուները փորձել են գրոհել մերձմոսկովյան օբյեկտների վրա։
