ՏԵՍԱՆՅՈՒԹ. Պատերազմի մասնակիցները բողոքի ակցիա են իրականացնում կառավարության շենքի մոտ
Ղարաբաղյան պատերազմի մի խումբ մասնակիցներ այսօր բողոքի ակցիա են իրականացնում ՀՀ կառավարության շենքի մոտ։ Նրանք պահանջում են քայլեր ձեռնարկել՝ դեպի Արցախ ճանապարհը բացելու և հումանիտար օգնությունը տեղ հասցնելու համար։
Պատերազմի մասնակիցները նաև պահանջում են զինել իրենց՝ այդ հարցը լուծելու համար։
«Արցախը մերն է եղել, հիմա էլ մերն է ու մերն էլ մնալու է։ Արցախը ոչ ոք չի կարող կտրել մեզնից։ Այս երկրի տերը մենք ենք` կռվողն էլ, մեռնողն էլ մենք ենք։ Արցախը տանք, հետո Սյունիքն է լինելու»,– նշել է ակցիայի մասնակիցներից մեկը։
