ՏԵՍԱՆՅՈՒԹ. Օգոստոսի 15-ից գազելներ չեն լինի. Ավինյանը` սպասվող փոփոխությունների մասին

«Շատ ուրախալի է, որ օգոստոսի 15-ից վերջապես ազատվելու ենք «հուսահատության գազելներից»»: Այս մասին այսօր Երևանի քաղաքապետարանի գործակարգավարական խորհրդակցության ժամանակ ասել է  Երևանի փոխքաղաքապետ Տիգրան Ավինյանը

«Սա դեռ բարեփոխումների ճանապարհի սկիզբն է, մենք դեռևս ունենք միասնական տոմսային համակարգի ամբողջական ներդրման հարցը, ինչպես նաև ավտոբուսների առանձնացված գծերը շարունակաբար պետք է ավելացվեն»,-ընդգծել է Տիգրան Ավինյանը։

Ըստ փոխքաղաքապետ Ավինյանի` դեռևս ունեն միասնական տոմսային համակարգի ամբողջական ներդրման ծրագիր` ավտոբուսներում և մետրոյում: Նա հանձնարարական տվեց ամբողջական նախագիծ պատրաստել ավտոբուսների առանձնացված գծերի համար նախատեսված: 

«Մենք ունենք դեռևս րոպեի ճշգտությամբ ինֆորմացիան մարդկանց տալու խոստում և բացի նրանից, որ «Յանդեքս» և «Գուգլ» քարտեզներով դա պետք է հասանելի լինի, դա պետք է հասանելի լինի նաև կանգառներում»,-ասաց Ավինյանը: 

Մանրամասները` տեսանյութում: