Իրավունք ունե՞մ կասկածելու, որ «աննախադեպ» շինբարեկարգման ընթացքում աննախադեպ յուրացումներ են կատարվում. Աբգարյան
Կարո՞ղ եմ կասկածել, որ արտասահմանյան գործուղումների վրա նույնպես աննախադեպ գումարներ են հօդս ցնդել, եթե ինձ չեն տրամադրել ծախսերի մասին տեղեկատվությունը։ Այս մասին ֆեյսբուքյան իր էջում գրել է Երևանի ավագանու անկախ անդամ Իզաբելլա Աբգարյանը։
«Ի՞նչ եք կարծում, ես իրավունք ունե՞մ կասկածել, որ «աննախադեպ» շինբարեկարգման ընթացքում աննախադեպ մսխումներ և յուրացումներ են կատարվում, եթե ինձ՝ ավագանու անդամիս, ում օրենքի պահանջով պիտի տրվի յուրաքանչյուր լումայի համար հաշվետվությունը, չի տրամադրվում ծախսերի և մրցույթները հաղթած ընկերությունների մասին տեղեկատվությունը:
Կամ կարո՞ղ եմ կասկածել, որ արտասահմանյան գործուղումների վրա նույնպես աննախադեպ գումարներ են հօդս ցնդել, եթե ինձ չեն տրամադրել ծախսերի մասին տեղեկատվությունը»,- գրել է նա:
