Գահընկեց արված Նիգերի նախագահի օգնության կոչը՝ ԱՄՆ-ին

Գահընկեց արված Նիգերի նախագահ Մոհամեդ Բազումը օգնության կոչ է արել։ Նա դիմել է ԱՄՆ-ին և համաշխարհային հանրությանը` խնդրելով օգնել իրեն վերադարձնել իշխանությանը:

«Մեր կարիքի պահին ես կոչ եմ անում ԱՄՆ կառավարությանը և ողջ միջազգային հանրությանը օգնել մեզ՝ վերականգնելու սահմանադրական կարգը։ Աղքատության և ահաբեկչության դեմ պայքարում իմաստալից առաջընթաց գրանցելու միակ ճանապարհը մեր ընդհանուր արժեքների, այդ թվում՝ ժողովրդավարական բազմակարծության և օրենքի գերակայության նկատմամբ հարգանքի համար միասին պայքարելն է»,- ասել է Բազումը:

Բազումը հայտարարել է, որ եթե իշխանությունը չվերադարձվի, բոլորի համար կործանարար հեևանքներ կունենա։
 

Հիշեցնենք՝ հուլիսի 27-ի գիշերը Նիգերի զինվորականները հայտարարեցին նախագահ Մուհամեդ Բազումի պաշտոնանկության և իշխանությունը «Հայրենիքի փրկության ազգային խորհրդին» փոխանցելու, ինչպես նաև սահմանների փակման, սահմանադրության կասեցման և ցանկացած քաղաքական կուսակցության գործունեության արգելքի մասին: