ԲԴԽ-ն մեկնաբանել է Կարեն Անդրեասյանի՝ ՄԻԵԴ-ում նշանակվելու մասին տեղեկությունները․ «ՀԺ»
Լրատվամիջոցներում տեղեկություններ են հրապարակվել այն մասին, որ Բարձագույն դատական խորհրդի նախագահ Կարեն Անդրեասյանը նպատակ ունի Մարդու իրավունքների եվրոպական դատարանում դատավոր նշանակվել և պայքարում է այդ պաշտոնի համար:
ԲԴԽ մամուլի խոսնակ Լիլիթ Շաբոյանը «Հայկական ժամանակ»-ի հետ զրույցում հերքել է նշված տեղեկատվությունը՝ այն անվանելով աբսուրդի ժանրից:
«Պարոն Անդրեասյանը չի պատրաստվում ԲԴԽ նախագահի պաշտոնից հրաժարական տալ և շարունակելու է պաշտոնավարումը»,- նշել է խոսնակը՝ հավելելով, որ այն, ինչ ավելի վաղ հրապարակվել է մամուլում, ուղղակի անհեթեթություն է:
Նշենք, որ Կարեն Անդրեասյանը ԲԴԽ նախագահի պաշտնում է նշանակվել 2022 թվականին և պաշտոնավարման ժամկետը դեռ չի ավարտվում:
